કડીમાં સાયકલ સવાર બાળકને બાઈકસવારે અડફેટે લેતા સર્જાયો અકસ્માત...
કડી તાલુકાના લક્ષ્મીપુરા ગામે પ્રાથમિક શાળામાં ભણતો ધોરણ 6નો વિદ્યાર્થી શાળા છૂટ્યા બાદ સાયકલ લઈને પોતાના ગામ બલાસર તરફ જઈ રહ્યો હતો. જે દરમિયાન લક્ષ્મીપુરા કેનાલ નજીક પહોંચતા અજાણ્યો બાઈકચાલક ટક્કર મારી ફરાર થઈ ગયો હતો. જ્યાં અકસ્માત સર્જાતા વિદ્યાર્થીના પરિવારજનોને જાણ કરવામાં આવી હતી. વિદ્યાર્થીને ફ્રેક્ચર થતા મહેસાણા હોસ્પિટલ ખાતે ખસેડવામાં આવ્યો હતો. ઘટનાને લઇ કડી પોલીસે ફરિયાદ નોધી કાર્યવાહી કરી હતી.