ચોરીના 37 મોબાઇલ સાથે પ્રાંતિજના બે ચોર ઝડપાયા...
હિંમતનગર એ ડિવિઝન પોલીસની ટીમ પેટ્રોલિંગમાં હતી. દરમ્યાન હિંમતનગર રિવરફ્રન્ટ પાસે બે શખ્સો ચોરીના મોબાઇલ વેચવા માટે ફરી રહ્યા હોવાની બાતમી મળી હતી. જે બાતમીને આધારે પોલીસે સ્થળ પર પહોંચી ઋત્વિકસિંહ અગરસિંહ મકવાણાને ઝડપી કરતા તેની પાસેથી વિવો કંપનીનો મોબાઇલ ફોન મળ્યો હતો. જે ફોન તેણે તેના મિત્ર સાથે મળી ચોરી કર્યો હોવાનું કબુલ્યું હતું. પોલીસે તેના મિત્ર રણજીતસિંહ દલપતસિંહ ચૌહાણને ઝડપી પાડી તપાસ કરતા અન્ય 35 મોબાઈલ ફોન મળી આવ્યા હતા. સમગ્ર મામલે પોલીસે બંને શખ્સો વિરુદ્ધ કાયદેસરની કાર્યવાહી હાથ ધરી હતી.